El castigo dela fontana
Intervista a Giuseppina Miorelli realizzata da Chiara Parisi. Dopo la Seconda guerra mondiale, la signora Giuseppina lavorò per circa otto anni al servizio di una famiglia benestante. Si occupava, fra le varie mansioni, della pulizia dei panni al lavatoio della fitta in via della Cinta.
- Mio papà mi ha detto che non ti davano il permesso di andare alla fontana a lavare perchè ridevi, è vero?
- Sì perchè févem le mate... le done che vegniva a lavar ala fita - le neva tute a lavar ala fita, la fita sa’t en do la è? Dove che ghè la fontana en font ala Cinta - e anca mi nevo zo co le me robe. Gaveva semper da lavar...
- Ma quando eri dal macellaio?
- Mh, gavevo sempre le robe del macelaio, te podi ‘nmaginarteghe n’avevo semper robe da lavar... Nevo zo, ne trovevem semper tre quatro lì, putele, tute serve... te podi ‘nmaginarte. Ghe n’era una che l’era en po’ mata, na stramba de una, namata, la continueva a dir su semolae, e se rideva... L’inverno po’, l’era en fret...Ensoma no te sentivi gnancaelfret quasi, perchè se rideva, se laveva, se rideva, ensoma dai paseva così anca eltemp... Le done le neva a contarghe ale nos eparone che erem zo che févem le mate ala fita...ghe devem fastidi se vede a ste done perchè ridevem.... l’era l’unico pezòt che gaevem! Ma lavevem de sigual[1], no stevem miga lì a vardar su drit no! I à dit che noi nevem a far la seconda festa ala fita, no févem gnanca la prima...févem la seconda! Alora la me parona la m’à dit: no luni, “no sta narzoluni no, che po’ seuté[2] a rider e po’ perdé anca le robe e le ve scampa zo per la fita”, alora la me féva nar zo el marti enveze che elluni: elmarti mi...
- Da sola...
- Sì perchè se no ridevem masa! El luni neva a Bolognam che la gaveva su na casa a Bolognam, la so casa dei Maino, la so casa proprio, neva su a far pulizie a sta casa. I manenti i neva via a governarle, ste bestie, i portevasu le bestie da copar. I porteva su[3] per tute le scale quela roba che i portevazo dal soler[4]. Elluni la me féva far pulizia a sta casa...Alora le done le diseva: “la Bepina l’è en castigo!”. Te podi ‘nmaginar, a rider! Anca quel sì! Sì, sì, varda, eremdeleschiavetesa’t noi na volta... con quel che ciapevem! Sesanta lire al mes! Lavorar dala matina ale sete fim ala sera ale dese, anca ale ondese qualche volta. Quando gaveva da nar a pelar i poli, lì en maceleria i gaveva na gabia de poli vivi da pelar, nevo zo a coparli e pelarli dopo zena. Quei no era miga i straordinari eh! I me voleva anca bèm per quel! Però, la me parona, la gaveva le so idee, l’era severa asà!